Екатерина Смолякова мәжіліс депутаты атанды

Руслан Берденовтің мәжілістегі орнын Екатерина Смолякова басты, деп хабарлайды Orda.kz.

Партиядағы ротация жайлы Respublica партиясының орталық аппараты басшысының орынбасары Ришат Асқарбекұлы Facebook-те хабарлады.

«Соңғы қызметі ҚБТУ проректоры. Парламент мәжілісі депутаттығына Respublica партиялық тізімі бойынша үміткер Руслан Берденовтің орнына барады. Бірер сәттен кейін мандатын алып, іске кіріспек»,  деп хабарлады  Ришат Асқарбекұлы. 

Екатерина Смолякова - Талдықорғандағы Жансүгіров университетінің түлегі. Қазақ тілі мен әдебиеті пәнінің мұғалімі. Қоғамдық жұмысқа ерте араласқан. KBTU Empowerment әйелдер клубын басқарады және Алматы облыстық №1 балалар үйінің Қамқоршылық кеңесінің төрайымы.