ЕАЭО елдері министрлерінің орташа жасы анықталды

Зерттеуге сәйкес, ЕАЭО елдерінің ішіндегі ең жасы үлкен министрлер Ресейде жұмыс істейді, деп хабарлайды Ranking.kz порталы.

Министрлер жасына қарай министрліктердің рейтингі жасалды. ЕАЭО елдері министрлерінің орташа жасы 49 жас екені атап өтілген.

Рейтингтегі ең жас Армения министрлері болды. Олардың орташа жасы - 45 жас. Арменияның ең жас министрі - әділет министрі Рустам Бадасян. Ол 30 жаста.

Келесі кезекте Қазақстан Республикасы тұр. Біздің министрлердің орташа жасы - 48 жас. Елдің ең үлкен министрлері - ішкі істер министрі Ерлан Тұрғымбаев (58 жаста) мен қорғаныс министрі Нұрлан Ермекбаев (58 жаста).

Министрліктердің ең жас басшылары: жаңа ұлттық экономика министрі Әсет Иргалиев (33 жаста); Цифрлық даму, инновация және аэроғарыш өнеркәсібі министрі Бағдат Мусин (37 жаста); Білім және ғылым министрі Асхат Аймағамбетов (38 жаста).

Ең жасы үлкен министрлер Ресейде жұмыс істейді. Олардың орташа жасы - 52. Ресейдің ең қарт министрі - сыртқы істер министрі Сергей Лавров (70 жаста).