ЕҚЫҰ төрағасы Қазақстанға ресми сапармен келеді

Еуропадағы қауіпсіздік және ынтымақтастық ұйымының (ЕҚЫҰ) қазіргі төрағасы және Польшаның сыртқы істер министрі Рау Збигнев Қазақстанға келеді. Бұл туралы Польша үкіметінің сайтына хабарлады.

Польша үкіметінің мәліметінше, 31 мамыр мен 6 маусым аралығында Польша СІМ басшысы Рау Збигнев ЕҚЫҰ-ның қазіргі төрағасы ретінде Қазақстан, Өзбекстан және Моңғолияға кезекті ресми сапармен барады.

Қазақстанда Збигнев Қасым-Жомарт Тоқаевпен, парламенттің екі палатасының төрағалары Мәулен Әшімбаев және Ерлан Қошановпен, сондай-ақ сыртқы істер министрінің орынбасары Ақан Рахметуллинмен кездеседі.

Бұған дейін Қазақстанға АҚШ мемлекеттік хатшысының Оңтүстік және Орталық Азия істері жөніндегі көмекшісі Дональд Лу келген болатын.