Еңбек министрлігі орташа зейнетақы мөлшерін атады

Еңбек және халықты әлеуметтік қорғау министрлігі 2022 жылдың 1 сәуіріндегі есеп бойынша зейнетақы төлемдерінің орташа мөлшерін атады.

2022 жылғы 1 сәуірдегі жағдай бойынша зейнеткерлер саны 2 миллион 245,6 мыңнан астам адамды құрайды.

- 2022 жылғы 1 сәуірдегі жағдай бойынша зейнетақы төлемдерінің орташа мөлшері (базалық зейнетақы төлемін ескере отырып) 105 344 теңгені құрады, - делінген хабарламада.

1 наурыздағы жағдай бойынша қазақстандықтарға 704,9 миллиард теңгеден астам сома зейнетақы төленген.

Наурызда республикалық бюджеттен зейнетақы төлемдеріне 234,8 миллиард теңгеден астам, оның ішінде базалық зейнетақыны төлеуге – 71,4 миллиард теңге, ынтымақты зейнетақыны төлеуге – 163,4 миллиард теңге жұмсалды.