Дзюдошы, чемпион Дамир Исахановты неге пышақтап кеткені белгілі болды

Дзюдошы Дамир Исахановтың танысы оған неліктен шабуыл жасағаны жайлы айтты, деп хабарлайды Orda.kz.

Спортшының көп қарызы болған. Бұл оқиғаға себеп болуы мүмкін, деп мәлімдеді КТК телеарнасы.

Заңгер Әлішер Әлішевтің айтуынша, кейбір адамдар Дамир Исахановқа көп ақша қарыз болған.

«Шамамен 300 мың доллар қарыз болған. Жартысын үйін беріп, қайтарып, қалғанын бермеген. Олар мейрамхана қасына кездесу белгілеген. Дамир маған хабарласып, заңгерлік кеңес керек болғандықтан, менімен бірге жүруді сұрады. Бізбен бірге Дамирдің енесі де барды. Біз жақын жерде едік және бәрін көрдік», – деді Әлішов. 

Orda.kz өткен дүйсенбіде болған оқиға жайлы жазған болатын. Тұрақтағы төбелесті бақылау камерасы түсіріп алған. Бір сәтте таныстары Дамирді көліктер арасындағы өткелге кіргізеді. Біраз уақыт өткен соң олар тез тарап кеткен. Қайын енесі мен заңгер қансыраған спортшыны субұрқақ жанынан тапқан.

Қазір спортшының өміріне ешқандай қауіп төніп тұрған жоқ. Күдіктілердің бірі қамауға алынды. Тергеу мәліметтері әлі жарияланған жоқ.

Дамир Исаханов – спорт шебері, Азия чемпионы және жасөспірімдер арасындағы дзюдо бойынша әлем чемпионатының жүлдегері. 1 қазан күні ол жүрек тұсына пышақ сұққанына қарамастан аман қалғаны белгілі болды.