Джо Байденнің бұйрығымен Кубадағы Гуантанамо түрмесі жабылмақ

12 ақпан күні Ақ үйдің баспасөз хатшысы Джен Псакидің мәлімдеуінше, АҚШ президентінің әкімшілігі Кубадағы Гуантанамо түрмесін жаппақ. Құқық қорғаушылар түрмедегі ахуалды жүйелі түрде сынап келеді.

Оның сөзінше, Байденнің бірінші президенттік мерзімі аяқталғанға дейін түрме жабылады. Журналистердің сұрағына ол «Бұл – біздің мақсатымыз және ниетіміз» деп жауап берді.

Түрме негізінен Терроризм айыбымен сотталғандарды ұстауға арналған. 2002 жылдың 11 қыркүйегіндегі оқиғадан көп ұзамай АҚШ-тың Кубадағы әскери базасынан ашылған. Барак Обама бірінші мерзімінің алдындағы сайлау науқанында түрмені жабуға уәде берген. Ал ол уақытта Джо Байден Обама әкімшілігінде вице-президент қызметін атқарған.

Құқық қорғаушылар түрмедегілерге АҚШ түрмесінің тұтқыны мәртебесінің берілмейтінін мәлімдеген.

New York Times басылымы 2019 жылы оны «әлемдегі ең қымбат түрме» деп атаған. Ондағы қамалған 40 күдіктінің әрқайсысына мемлекет есебінен 13 миллион доллар жұмсалып отырған. Дональд Трамп бұл шығынды «ақылға қонымсыз» деп атады, бірақ оның әкімшілігі түрмені жаппаған болатын.