Джо Байден Украинаға әскери көмек көрсетудің жаңа пакеті туралы заңға қол қойды

Украина, Израиль және Тайваньға әскери көмек көрсету туралы заң жобасында  95 миллиард доллар қарастырылған. Оның шамамен 61 миллиард доллары Украинаға көмек көрсетуге арналған.

BBC хабарлауынша, пакет төрт бағытты қамтиды: Украинаға, Израильге және Тайваньға көмек көрсету және төртінші ұсыныста ТикТокқа ықтимал тыйым салу және Ресейдің тәркіленген активтерін сатуға жасыл түс беретін РЕПО заңы кіреді.

«Бұл Американың серіктестеріне өздерінің егемендігіне төнетін қауіптерден қорғану үшін маңызды қолдау»,-  деді американдық көшбасшы.

Әскери техника Украинаға «бірнеше сағат ішінде жіберіледі», деді АҚШ президенті.