Джо Байден мен Дональд Трамптың дебаты 27 маусым мен 10 қырқүйеккке жоспарланды

АҚШ президенті Байден мен АҚШ-тың бұрынғы президенті Трамп 27 маусымдағы дебатқа келісті.

Саясаткерлер Джорджия штатының Атланта қаласындағы станция студиясында кездеседі деп күтілуде.

Теледебат 21:00-ге жоспарланған.

«Мен CNN-ден пікірталасқа қатысуға шақыру алдым және қабылдадым. Кезек сенікі, Дональд. Сен айтқандай: кез келген жерде, кез келген уақытта» деп жазды Байден X әлеуметтік желісінде.

Кейінірек Трамп келісімін берді.

Пікірсайыстардың екінші раунды 10 қыркүйекте ABC арнасында көрсетіледі деп жоспарланған. АҚШ президентінің сайлауы 2024 жылдың 5 қарашасында өтеді.