Дүниежүзілік мәдени мұраның алдын ала тізімін қалыптастыру қағидалары бекітілді

Мәдениет және ақпарат министрінің 2025 жылғы 17 сәуірдегі № бұйрығымен ҚР дүниежүзілік мәдени мұрасының алдын ала тізімін қалыптастыру және ұсыну қағидалары бекітілді, деп хабарлайды Orda.kz.       

Алдын ала тiзiмдi қалыптастыру үшiн облыстардың, республикалық маңызы бар қалалардың, астананың жергiлiктi атқарушы органдары уәкiлеттi органға тиiстi ұсыныс жiбередi.

Жергілікті атқарушы орган ұсыныстарын уәкілетті орган күнтізбелік 45 күн ішінде арнайы комиссияның қарауына шығарады.

Арнайы комиссияның ұсынымы негізінде уәкілетті орган алдын ала тізімді қалыптастырады.

Алдын ала тiзiмдi қалыптастыру кезiнде Қазақстан 1994 жылы қосылған Дүниежүзiлiк табиғи және мәдени мұраны қорғау туралы конвенцияда айқындалатын Дүниежүзiлiк мәдени мұраның әлеуеттi тарих және мәдениет ескерткiштерiне қойылатын өлшемдер, сондай-ақ тарих және мәдениет ескерткiшiнiң көрнектi әмбебап құндылығы ескерiледi.

Алдын ала тізім 10 жылда кемінде бір рет жаңартылады.

Қалыптастырылған алдын ала тізім негізінде ЮНЕСКО-ның Дүниежүзілік мұра комитетіне ұсыну үшін тиісті құжаттама дайындалады.

Алдын ала тізім Конвенция талаптарына сәйкес, ағылшын не француз тілінде толтырылады.

Алдын ала тізім тарих және мәдениет ескерткішінің Конвенция өлшемдеріне сәйкестігі, тарих және мәдениет ескерткішінің түпнұсқалығы және/немесе тұтастығы, ұқсас тарих және мәдениет ескерткіштерімен салыстыру туралы ақпаратты қамтиды.

Бұйрық 2025 жылғы 11 мамырдан бастап қолданысқа енгізіледі.

Бұған дейін біз тарих және мәдениет ескерткіштеріндегі ғылыми-реставрациялау жұмыстарына лицензия беру ережелеріне өзгерістер енгізілген.

2024 жылы Қазақстанға алғаш рет берілген ЮНЕСКО қаражаты материалдық емес мәдени мұра нысандарының  ұлттық тізімін жаңартуға бағытталады.

Биылғы наурызда  Тоқаев қаланың ерекше мәртебесін атап өтіп,  Түркістан – түркі әлемінің орталығы болатынына сенім білдіріп,  заңға қол қойды.

2023 жылы ЮНЕСКО Бас конференциясының қорытынды күнінде Қазақстан 2023-2027 жылдарға арналған Дүниежүзілік мұра комитетіне сайланды.