Дүние жинап нетесің... марқұм Болат Назарбаевтан қалған байлықтың тағдыры

Orda.kz редакциясы шартты түрде «Көне Қазақстан» деп аталатын топтың мүлкін іздеп табуды жалғастыруда. Дегенмен табылған шексіз байлықтың ауқымы мен құны ауыз аштырады. Бұл жолы «Қайтарылған активтерді басқарушы компания» Алматы орталығындағы кеңсені аукционға қойды. Бұған дейін ол экс-президенттің марқұм ағасы Болат Назарбаевқа тиесілі болған.

Аумағы 1700 шаршы метр, жер телімі 0,4 гектар болатын ғимарат қала орталығындағы Бостандық ауданында орналасқан. Ғимарат 1953 жылы салынып, 1997 жылы толық жөндеуден өткен.

Мақсаты бойынша пайдаланылып жатқан екі қабатты әкімшілік ғимараттың құны 1,8 млрд. теңге. Аумағында гараж, автотұрақ бар, ауласы жасыл желек  пен көгалға көмкерілген. Қолайлы әрі ұқыпты көрінеді. Дегенмен, ғимараттың ішкі көрінісі ерекше стильді, сыртқы қатаң келбетіне қатты қарама-қайшы келеді.

Ғимараттың ішкі көрінісі сән-салтанатты паш етеді, өте қымбат интерьер көзге ұрады. Ішкі жағы алтын жапырақпен жарқырата өрілген: қабырғалары мен төбелерінде монограммалар мен өрнектер, мәрмәр едендер, алтын жалатылған баспалдақ қоршаулары, құшақ жетпес люстралар. Сары алтынның жылтыры бұл жерге ерекше сығандық жарқырау береді. Бір қарағанда, сіз бұл кеңсе деп айта алмайсыз, тек алтын дәретханалар жетіспей тұр демесеңіз, жылтыр алтын түстен кенде емес. Дегенмен, барлық бөлмелер бұлай емес.

Құжаттарға қарағанда, бұл ғимаратты 2019 жылы сол жылы салынған «BN Invest Capital» ЖШС сатып алған. Оның негізін қалаушы және жетекшісі сол кезде Болат Назарбаев болатын. Компания әлі де бар, бірақ оны енді дәл осы атаумен итпен іздеп таппайсыз.

2023 жылдың ақпан айында ЖШС-нің жалғыз құрылтайшысы белгілі Қуат Ахметов болды (шамасы, іздеуде жүрген «тіл патрулін» ұйымдастырушы Қуат Ахметовпен аттас). Жаңа меншік иесі бола отырып, ол «DBS-Trade Company» ЖШС атауын өзгертті, ал жеті айдан кейін ол компанияны жаңа құрылтайшыға - белгілі Ферман Асратовқа сатты (немесе берді).

Компания клиенттерге коммерциялық және басқару мәселелері бойынша кеңес береді. Ашық ақпарат көздерінен алынған мәліметке қарағанда, бұл ғимаратта жауапкершілігі шектеулі серіктестік тіркелген.  

Сауда саттықтың бастапқы бағасы – 1,8 млрд теңге.

Ерскерту: Қолданылған фотолар: e-auction.e-qazyna.kz алынды.