Дүлей дауылдан 6 адам көз жұмды

Кубада «Оскар» дауылынан 6 адам мерт болды, деп хабарлайды Orda.kz.

Аралдардан құралған мемлекеттің шығысында нөсер жауын жауып, күшті жел тұрған. Дауыл салдарынан Гуантанамо провинциясы зардап шекті. Мұнда алапат тасқын жүрді.

Миллиондаған тұрғын әлі электр жарығынсыз отыр. Басқа да инфрақұрылымдар қирады. Ағаштар опырылып, жағаға жақын аудандар су астында қалды. Үкімет құтқару және шығындарды санау жұмыстары жалғасып жатқанын мәлімдеді.

Метеоролог мамандар желдің екпіні сағатына 120 шақырымға жеткенін мәлімдеді.

Еске салайық, бұған дейін «Оскар» дауылынан елдімекендер зардап шеккенін хабарлаған едік.