Дүкендердегі бірнеше азық-түлік құрамынан денсаулыққа қауіпті өнім табылды

Талдықорғанда сары майдың құрамынан денсаулыққа қауіпті өнім табылды, деп хабарлайды Orda.kz.

Талдықорғанда майлылығы 82,5% болатын сары майдың құрамынан ішек таяқшасы табылды.  Ішек таяқшасы тобының бактериялары денсаулыққа қауіпті. 

Сонымен қатар Жетісу облысында Рейсейден әкелінген «Бабушкина крынка» сүт өнімі мен «Черкизова» шұжығы техникалық регламент талаптарына сай келмеген. Ал Петропавлда «халал» деп сатылған жылқы еті консервілерінде шошқаның ДНҚ-сы анықталған. 

Тексеріс барысында 83%-дан астам өнімдер таңбалау талаптарына сәйкес келмеген. Көбінесе құрамы, өндіруші, жарамдылық мерзімі туралы ақпарат болмайды немесе мемлекеттік тілде ұсынылмаған. 43 түрлі өнімнің Қазақстан аумағында сатылуына тыйым салынды. 224 субъектіге әкімшілік жауапкершілікке тартылды.