Дубайдан ұшқан ұшақтан алтын құймалар табылды

Дубайдан Делиге қарай бағыт алған ұшақтың дәретханасынан алтын құймалар табылды, деп хабарлайды The National.

Басылымның мәліметінше, Делидегі Индира Ганди атындағы халықаралық әуежайдың кеденшілері Үндістанға келген соң ұшақтың дәретханасын  тексеру қажеттігі туралы ақпарат алған.

Тергеу контрабанда тасымалы үшін қолданылған әуе компаниясының атауын жарияламады, бірақ кеденшілер тергеу жалғасып, қосымша тергеу әрекеттері жүргізіліп жатқанын айтты.

Кеден қызметі Twitter-де полицияның ұшақтың дәретхана бөлмесін қалай тексергенін және салмағы шамамен төрт келі болатын, оралған алтын құймаларын тапқанын жариялады.

Дереккөз алтынның Дубайдағы ең маңызды сауда заты екенін және ұшақ жолаушылары оны Үндістанға кедендік төлемдерсіз тұрақты түрде алып өтуге тырысатынын қосады.

Үндістанға келген контрабандашылар арасында алтын саудасы бойынша алаяқтық жиі кездеседі. 3 наурызда Чандигарх халықаралық әуежай кеденшілері жалпы сомасы шамамен $2,5 миллион болатын, бір келіден бөлінген 18 алтын құймаларды тәркілеген.

Жолаушының қол жүгінде Etihad Gold Dubai БАӘ белгісі бар құймалар болған. 30 жастағы ер адам әуежайда авиакомпания қауіпсіздігін жақсарту үшін АҚШ-тың кеден және шекара қорғау қызметі орнатқан Advance Passenger Information and Electronic Data Interchange жүйесі арқылы анықталды.