Дужновтың қамақта отыру уақыты ұзартылды

Алматыдағы Ақбұлақ ықшамауданында бес адамды өлтірді деген күдікке ілінген Игорь Дужнов екі айға уақытша ұстау изоляторына жіберілген. Бүгін Алматының ауданаралық мамандандырылған тергеу соты мерзімді тағы бір айға ұзартты.

«2021 жылдың 12 қарашасындағы тергеу сотының қаулысымен прокурордың өтініші қанағаттандырылып, И. Дужновқа қатысты қамауда ұстау мерзімін 3 айға дейін, яғни 2021 жылдың 20 желтоқсанына дейін ұзартуға санкция берілді».

Еске салсақ, 20 қыркүйекте Алматыда «Ақбұлақ» ықшамауданында жергілікті тұрғын отбасын үйден шығаруға келген сот орындаушысын, екі учаскелік полиция қызметкерін, сондай-ақ үйдің жаңа иесін атып тастаған. Бұқаралық ақпарат құралдарында оны «Ақбұлақ атқыш» деп атады. Игорь Дужнов бес адамды өлтірді деген күдікпен ұсталды.

Қазір Дужновқа қатысты 99-баптың 2-бөлігі («Адам өлтіру») және 380-1-бабының 2-бөлігі («Адамның өміріне қол сұғу») бойынша қылмыстық іс тергеліп жатыр.

2011 жылы Игорь Дужнов әйелі Анаида Демирчянмен бірге жылжымайтын мүлікті кепілге қойып, банктен несие алған. Қарыз уақытында қайтарылмаған. Үй аукцион арқылы жаңа иесі Нұрахмет Тұрғановқа сатылған.

Алматының ауданаралық мамандандырылған тергеу соты Алматыда бес адамды өлтірді деген күдікке ілінген Игорь Дужновқа қатысты бұлтартпау шарасын қабылдады. Ол қамауға алынып, екі ай мерзімге уақытша ұстау изоляторына жіберілді. Сот процесі кезінде Дужновтың көзі көгеріп қалғандығы айтылды.