Дулат Ағаділдің дүниеден қайтқанына бір жыл. Кім жазаға тартылды?

25 ақпан 2021 жыл. Бүгін белгілі белсенді Дулат Ағаділдің қайтыс болғанына бір жыл толды. Адвокат Ғалым Нұрпейісов ORDA. редакциясына адам құқықтары үшін күрескен азаматтың қазасы мен Дулаттың өмірінің соңғы сағаттарындағы оқиғалары туралы айтып берді. Сонымен қатар адвокат белсендінің ұлы Жанболаттың да қайғылы жағдайда қайтыс болуына байланысты тергеу ісі туралы баяндап өтті.

Белсенді Дулат Ағаділ өткен жылдың 25 ақпанында Нұр-Сұлтан қаласының тергеу абақтысына қамауға алынып, келесі күні таңертең аяқ асты қайтыс болды. Өлімнің ресми себебі - инфаркт.

Неліктен елордалық тергеу абақтысында Дулат Ағаділдің өліміне кінәлі адамдарды анықтап, жария ететін бақылау камераларының жазбалары жоқ? Тергеу изоляторларында болған Дулат Ағаділдің өлімі үшін кім жазаға тартылды? Қайғылы оқиғаның негізгі және нақты себебі анықталды ма? Осы және басқа да сұрақтарға жауап берген адвокат Ғалым Нұрпейісовтың ORDA. редакциясына берген сұхбатын назарларыңызға ұсынамыз.

Автор: Сауле Саденова