Дүниежүзіндегі жағдайды жақсы білесіздер, ұлт болып ұйысайық – Тоқаев

Бүгін мемлекет басшысы жұмыс сапарымен Жамбыл облысына барып, бірқатар агроөнеркәсіп кешенін аралап, аймақтағы әлеуметтік нысандардың қызметімен танысты.

Мемлекет басшысы ескерткіштің жанында жергілікті зиялы қауым өкілдерімен жүздесіп, белгілі қаламгердің ұлт руханиятын дамытуға зор үлес қосқанын айтты.

Сондай-ақ, алдағы саяси науқандар кезінде де, ең алдымен, ауызбіршілік қажет екенін атап өтті.

– Ең басты мәселе – әділ, ашық болу керек. Осындай лайықты адамдар біздің Парламентке келсе, еліміздің дамуына үлес қосады деп үміттенемін. Дүниежүзінде болып жатқан жағдайды өздеріңіз жақсы білесіздер. Ішкі саясат та, сыртқы саясат та сындарлы, салмақты болуы керек. Ең басты міндетіміз – мемлекеттілігімізді сақтап қалу. Сын-қатерлер аз емес. Сондықтан бәріміз бір ел, бір халық, бір ұлт болып ұйысып, ел үшін қызмет етейік, – деді Тоқаев.