Дүниежүзілік банк Қазақстанға 345 млн еуро қарыз бермек

Бүгін парламент мәжілісі «ҚР мен Халықаралық қайта құру және даму банкі арасындағы Қарыз туралы келісімді ратификациялау туралы» заң жобасын мақұлдады. Демек банк Қазақстанға 345 млн еуро қарыз береді. Бұл туралы бүгін мәжіліс отырысында белгілі болды.

 — Биыл шілдеде 345,7 млн еуро қарыз туралы келісімге 24 тамызда қол қойылды. Қарыз толығымен бюджет тапшылығын қаржыландыруға бағытталады. Қаражат республикалық бюджетте көзделген әлеуметтік және басқа да басымды мақсаттарға арналған қаржыны қоса алғанда, жалпы бюджет шығыстарын қолдауға мүмкіндік береді, - деп түсіндірді Жамаубаев.

Жамаубаевтың айтуына қарағанда, Дүниежүзілік банктің қарызы Қазақстанға 2,5 жылдық жеңілдік кезеңімен және 11,5 жыл өтеу мерзіміне беріледі. Сыйақы мөлшерлемесі Еурибор+айнымалы спред, біржолғы комиссия қарыз сомасының 0,25 %-ін, резервке қойғаны үшін комиссия қарыз қаражатының игерілмеген қалдығына жылдық 0,25%-ті құрайды.

Айта кетейік, ақша қарыз туралы келісім күшіне енгеннен кейін бірыңғай транш түрінде бөлінеді.