Дубайда ені бір пәтер болатын жұқа зәулім ғимарат салынады

Дубай ені бір пәтерден аспайтын өте жұқа зәулім ғимаратпен таң қалдыратын болады, деп хабарлайды Orda.kz.

Muraba Veil зәулім ғимаратының биіктігі 380 метр, ені 22,5 метр болады. Бұл оған тегіс, тік плита пішінін береді. Ғимаратты Pritzker сыйлығының иегері испандық RCR Arquitectes сәулет фирмасы жобалаған, деп хабарлайды Muraba Veil жылжымайтын мүлік агенттігі.

73 қабатты мұнарада екі-бес жатын бөлмелері бар 131 пәтер болады. Барлық пәтерлер көгалдандырылған ауланың айналасында орналасқан дәстүрлі араб үйлеріне негізделген.

Ғимаратта СПА, мейрамхана, галерея, шағын теннис корты, жеке кинотеатр ашу жоспарлануда.