Дубай-Мәскеу бағытындағы ұшақ Каспий теңізі үстінде апаттық белгі берді

Дубай-Мәскеу бағытындағы жолаушылар Boeing ұшағы Каспий теңізі үстінде апаттық белгі берді, деп хабарлайды Orda.kz.

Интерфакс мәліметінше, оқиғаның себептері мен мән-жайы әзірге белгісіз. Бұл туралы агенттікке төтенше қызметтер хабарлады. 

«DP992 рейсін орындаған Boeing 737  ұшағы апаттық белгі берді» деп жазылған хабарламада.   

Артынша анықталғандай, апаттық белгі багаж бөлігіндегі өрт дабылының іске қосылуына байланысты берілген. Boeing ұшағы Каспий теңізі үстінде апаттық белгі берген соң Астраханьға қонды. Жолаушылар мен экипаж зардап шеккен жоқ.