ДСМ: Сыбайлас жемқорлық туралы дереу 1414 нөміріне хабарласыңыз

ҚР Денсаулық сақтау министрлігі медицина саласындағы сыбайлас жемқорлыққа бақылауды күшейтпек.

Осындай жағдайларға байланысты ведомство Қазақстан халқына хабарлама таратты.

«Егер сіз медициналық көмек алу кезінде медициналық қызметтердің қолжетімділігіне шектеулер, сыйақы талап ету немесе сыбайлас жемқорлық сипаттағы басқа да әрекеттерге тап болсаңыз, дереу 1414 нөміріне хабарласыңыз. Өтініштерді Бірыңғай байланыс орталығы операторлары тіркеп, тиісті медициналық ұйымдарға қарауға жібереді» делінген Денсаулық сақтау министрлігінің сайтында жарияланған хабарламада.

Әрбір істі қараудың толық ашықтығы мен әділдігін қамтамасыз ету үшін барлық хабарламалар бір уақытта облыстық денсаулық сақтау басқармасына, Әлеуметтік медициналық сақтандыру қорының (ӘМСҚ) ішкі қауіпсіздік қызметіне және Денсаулық сақтау министрлігіне жолданады.

Сыбайлас жемқорлық фактілері расталған жағдайда тиісті шаралар қабылдау үшін ақпарат құқық қорғау органдарына да беріледі.

Сол сияқты қазақстандықтар енді дәрі-дәрмектің шекті бағасын да онлайн қадағалай алады.