ДСМ: Екпеге қарсы ата-аналар арасында оң көзарас арта түсті

Елімізде қызылшаға қарсы қосымша 1,5 миллион доза вакцина сатып алынады. Денсаулық сақтау министрлігі алғашқы 500 мың қосымша доза келесі аптада келеді деп күтуде, тағы миллионы желтоқсанның ортасында келеді, деп хабарлайды Orda.kz.

Олардың басым бөлігі балаларға салынатын екпеге жұмсалады. Сонымен қатар 136,8 мың медицина қызметкерін вакциналау жоспарлануда.

Қызылша ауруының көбеюіне байланысты қосымша вакциналау қажеттігі туды. Денсаулық сақтау министрлігінің мәліметінше, жыл басынан бері Қазақстанда 13 103 жұқтыру жағдайы тіркелген. 83 пайызға жуығы 14 жасқа дейінгі балалар. Оның үстіне, науқастардың басым көпшілігі қызылшаға қарсы екпе алмаған.

«Қызылша ауруы барлық облыстарда тіркелді. Аурудың ең жоғары көрсеткіші Шымкентте – 2283 жағдай, Алматыда – 2217 жағдай, Жамбыл облысында – 1605 жағдай және Атырау облысында – 940 жағдай», - дейді  Денсаулық сақтау министрлігі санитарлық-эпидемиологиялық бақылау комитеті төрағасының орынбасары Зәуре Ахметова.

Денсаулық сақтау министрлігі миллионнан астам халқы бар  қалаларда аурудың көп таралуын тұрғындардың көптігімен және соның салдарынан инфекция жұқтыру ықтималдығының жоғарылауымен түсіндіреді. Бірақ департамент балаларына екпе салудан бас тартқан вакцинаға қарсы ата-аналардың жағымсыз әрекеттерінің де кедергі болып отырғанын жоққа шығармайды.

Бұл ретте олар мынадай фактіні келтіреді: сырқаттанушылық көрсеткіші өскен сайын қызылшаға қарсы екпе алғысы келетіндер де, оның ішінде бұрын вакцинадан бас тартқан ата-аналардың да екпеге деген оң көзқарастары арта түскен.