ДСМ арнайы жедел жәрдем бригадалары санын көбейтуде

Елімізде арнайы жасақтардың саны ұлғайтылады, оған қоса, енді әр бригадада фельдшер болуы керек.

Денсаулық сақтау министрлігі «Жедел медициналық көмек көрсету, оның ішінде медициналық авиацияны тарта отырып көмек көрсету қағидаларын бекіту туралы» бұйрыққа өзгеріс енгізді. Бұйрық бойынша, енді жедел жәрдем бригадасының құрамына фельдшер қосылуы керек.

«Алғашқы медициналық көмек көрсету курсынан өткен, алғашқы медициналық көмек көрсетудің қосымша функциясын орындай алатын және шақыруларға қызмет көрсету бойынша жедел медициналық жәрдем бригадаларының жұмысына қатыса алатын адам»  делінген бұйрықта.

Сонымен қатар, халқы 100 мыңнан астам халқы бар елді-мекендер мен қалаларда  арнайы бригадалар (кардиология және педиатрияны қоса алғанда)  жалпы санының кемінде 25% болуы керек.

Айта кетейік, бүгінде елімізде 1500-ге жуық жедел жәрдем бригадасы жұмыс істейді, оның 18 пайызы арнайы жасақтар. Айтарлығы қоңыраулар қан айналымы жүйесі аурулары мен балалардағы ауруларға көбірек түседі.

«Сонымен қатар жедел жәрдем стансаларына медициналық ақпараттық жүйелерге қолжетімділік беріледі, бұл үйлестіруші ұйымға медициналық көмек көрсетуде интеграцияны қамтамасыз етеді» деп хабарлады Денсаулық сақтау министрлігінің баспасөз қызметі.

Жедел жәрдем бригадалары 10 мың немесе одан аз халыққа 1 бригададан жұмыс істейтіні нақтыланды. Ал, алғашқы медициналық-санитарлық көмек ұйымдарындағы жедел жәрдем бөлімшелері халықтың келісімділігін ескере отырып, 35 мың және одан да аз адамға 1 бригада есебінен бригадалармен жабдықталған.

Жаңалықтар ел тұрғындарына жедел медициналық көмек көрсетудің сапасы мен қолжетімділігін арттырады деп болжануда.