Досаевтың отставкасы не болды? – Алматылық белсенділер бір-бірін әшкерелеуде

Көпірдің жаңартылған қаптама материалдары белсенділердің Алматы әкімін отставкаға жіберу туралы петиция ашуына бірден-бір себеп болды.

Қазнетте кеңестік кезеңде салынған көпір қаптамалары мен бөлшектелген тротуар,  Алматы әкімін отставкаға жіберу туралы өтінішті талқылап, өзара шуылдасып жатыр. Қала жұртшылығы мен белсенділері қазірдің өзінде топ-топқа бөлініп үлгерді. Біреулер болып жатқан жағдайға күйініп, жағдайды тез арада шешуді талап етсе, енді біреулер мұның барлығын ашықтан-ашық хайп, жала деп атауда. Тіпті ресейлік боттар қала әкімі Ерболат Досаевты «жағында» жұмыс істеп жатыр деген де нұсқа бар.

Досаевтың отставкаға кетуіне қазірдің өзінде 26 мыңнан астам адам дауыс беріп үлгерді.

Айта кетейік, петиция алматылықтар қаладағы көпірлердің бірінің сыртқы  қаптамасын ауыстырып жатқанын анықтағаннан кейін бірден пайда болған. Қонаев кезінде өткел жақтауларын  безендірген салмақты  тастар жеңіл плиталармен ауыстырылды. Тұрғындар материалдардың сапасына күмән келтірді. Көптеген белсенділер бұл жөндеу жұмыстарының  дұрыс еместігі туралы айтып та үлгерді. Бірақ бұл жанжалды жеке адамдардың хайпы және ашық өтірік деп айтатындар да табылды. Қоғам қайраткері Арсен Шақуов әкімдіктен көпірдің қайта жөндеуге дейінгі  суреттерін алып, жөндеуге дейінгі бұл жердегі жағдайдың бұдан да сорақы екенін мәлімдеді.

«Мен жұртты шулатып қоймай, осы жалған хайпты тексермекші болдым. Сол жерге барып, бұл «жаңалықтың» рас-өтірігін тексердім, бірақ оған дейін Түрксіб ауданының әкімі Б.Қ.Ақжаровқа хабарласып, бұл жерде шын мәнінде не болып жатқанын түсіндіруді сұрадым», - деді белсенді өз парақшасында.

Нәтижесінде ол бейнетүсірілім жасап, адамдардың өтірік «хайп» қуып жүргенін айтты.