Досаевтың тапсырмасымен таунхаусты бұзды

Алматы қаласында әкім Ерболат Досаев заңсыз салынған таунхаустарды бұзғызып жатыр. 

Бұл туралы Алматы әкімдігі хабарлады.

«Алматының «Шұғыла» шағын ауданындағы Жүнісов көшесінде заңсыз салынған таунхаус бұзылып жатыр. Қала құрылысын бақылау басқармасы жергілікті тұрғындардың өтінішінен кейін жоспардан тыс тексеріс жүргізіп, нысанның рұқсатсыз салынғанын анықтады» деді Алматы әкімдігі.

Ғимараттың басшысы тиісті талаптарды орындамағаннан кейін басқарма Наурызбай ауданының сотына арыз берді. Сот оны биыл 2 ақпанда қанағаттандырды. Ғимарат сот орындаушылардың қатысуымен сүріледі. 

«Жыл басынан бері Алматыда «Мечта» және «Алма Гарден» тұрғын үй кешендерін қосқанда 41 заңсыз нысан бұзылды. Қала әкімі Ерболат Досаевтың тапсырмасымен заңсыз құрылысқа бақылау күшейді» деп мәлімделді.