«Досаев сияқты әкімдер болса Жириновскийге ескерткіш қойылып та кетуі мүмкін» - Зайытов
Коллаж: Orda.kz
Депутат Ринат Зайытов Владимир Жириновскийге ескерткіш орнатуға қатысты пікір білдірді, деп хабарлайды Orda.kz.
Еске салайық, бұған дейін ТАСС агенттігі саясаткердің 80 жылдық мерейтойына арналған іс-шаралар жоспары жобасында Алматыда ескерткіш ашу қарастырылғанын хабарлаған еді. Алайда Алматы қаласының әкімдігі 2026 жылы Владимир Жириновскийге ескерткіш орнату туралы ақпаратты жоққа шығарды.
«Оңтүстік астананың мәдениет басқармасына Жириновскийге ескерткіш орнату туралы ешқандай өтініш түскен жоқ. Сонымен қатар, Алматы қаласының тарихи және мәдени ескерткіштерді қорғау комиссиясы бұл мәселені қараған емес», деп жауап берді әкімдік Orda.kz агенттігінің ресми сұрауына.
Ал депутат Ринат Зайытов Алматы әкіміне шүйлігіп, Жириновскийдің ескерткіші қойылып кетуі де мүмкін екенін айтты.
«Ақылға қонбайтын нәрсе. Бірақ Досаев сияқты әкімдер аман болса ескерткіш қойылып та кетуі мүмкін. Алматы Жириновскийдің тарихи Отаны дегені несі? Онда біз Оспан батырға Қытайда ескерткіш қоя аламыз ба? Қоя алмаймыз. Әркімнің өз мемлекеті бар шығар. Заңда «Қазақстанның дамуына үлес қосқан адамдарға ескерткіш қойылады» деп нақты жазылған. Жириновскийдің біздің Қазақстанға не қатысы бар?», - деді ол.
Алайда депутаттың айтқан жауабы халық арасында қызу талқыланып жатыр. Кейін Зайытов әлеуметтік желідегі парақшасында жазба жариялады.
«Бұл сұраққа қатысты Алматы қаласының әкімдігі бір күн бұрын өз жауабын ресми берген екен. Мен одан бейхабар болғандықтан, ескерткіштерге қатысты бұған дейін болған олқылықтарды есепке алып, өз пікірімді айттым. Ақындық арынмен ресми жауаппен таныспай жатып, айтқан ойым негізсіз екенін растаймын», - деп жазды ол.
Жаңалықтар
- Иранның мұрагер ханзадасына Берлинде шабуыл жасалды
- Абай облысында мектеп есепшісі өзіне екі еселенген жалақы алып отырған
- Қазақстанда жыл басталғалы көршілес елдерден қашып келген 51 қылмыскер құрықталды
- Дер кезінде полиция шақырған балалар аналарын құтқарып қалды
- «Жаңа ғасыр» театрына Асанәлі Әшімовтің есімі берілді
- Air Astana Дубайға рейстердің тоқтатылуын мамыр айының соңына дейін ұзартты
- Ақын Серікбай Әбілмәжін көз жұмды
- Қазақстанға дәрілік заттардың айналымын реттеу саласын жетілдіру бойынша 3-ші деңгей берілді — ДДСҰ бас директоры
- Мұхтар Шаханов ұрпақтарының есімдері нені білдіреді? Келіні сыр шертті
- «Центр плова Loft» кафесіндегі жарылыс: Тағы екі күдікті ұсталды
- Сауд Арабиясы Королі Таяу Шығыстағы күрделі ахуалда қолдаған Тоқаевқа ризашылығын білдірді
- ҰҚК Қостанай облысында криминалдық полиция бөлімінің үш қызметкерін ұстады
- 2025 жылғы MIVD есебі: Әлемде геосаяси қауіп күшейіп келеді
- Абай облысында шаруа қожалығының басшысы жоқ малға мемлекеттен 250 млн теңге алған
- Таразда«өзін-өзі тонап», қарақшылық туралы экшн сценарий ойлап тапқан әйелге сот үкімі шықты
- Тоқаев қазақстандықтарды Ұлттық кітап күнімен құттықтады
- Қырғызстандағы Ельцин атындағы ҚРСУ кампусы Ресейде дау тудырды
- Қостанай облысында әйел TikTok пен Instagram-да есірткі дүкенін жарнамалаған
- Онколог ұйқының жетіспеуі қатерлі ісіктің дамуына қалай әсер ететінін түсіндірді
- Еуроодақ Украинаға 90 миллиард еуро несие беретін болды
