Досаев «Астана-Челси» матчындағы қар басқан трибуналар туралы айтты

Алматы қаласының әлеуметтік-экономикалық дамуына арналған баспасөз мәслихатында қала әкімі Ерболат Досаев «Астана» - «Челси» кездесуі кезінде Орталық стадион трибунасында қар мен көктайғақ  тақырыбына тоқталды, деп хабарлады Orda.kz.

Оның айтуынша, бұл аренаның шектеулі бөлігіне қатысты.

«Бұл шығыс сектордағы әйгілі алты қатар. Тазалықшылар ол жердегі жұмысын аяқтаған жоқ», - деді Алматы әкімі.

 Досаевтың айтуынша, қайта жөндеуден кейін стадион толығымен жабылады. Оған дайындық 2025 жылы басталуы керек.

Стадионның төбесі толық болмаса да, арена басшылығына толық тазалау жұмыстарын жүргізе алатын компанияларды жалдауға қосымша ақша бөлу ұсынылады.