Досаев 8 наурыздағы әйелдер шеруіне неге рұқсат берілмегенін түсіндірді

Алматы әкімі Әуезов ауданы тұрғындарымен кездесуінде феминистік белсенділердің 8 наурыз күнгі шеруіне неге рұқсат берілмегенін түсіндірді.

Биыл феминистер 8 наурызда митинг өткізуге рұқсат сұрап, әкімдікке үш рет өтініш берген, бірақ әзірше рұқсат ала алмаған. Құқық қорғаушы Любовь Воронцова қала билігі қоғамдық қауіпсіздікке қауіп төндіреді деген сылтаумен рұқсат бермей отырғанын хабарлады.

Журналистердің бірі әкімнен неге әкімдік жауабында "қоғамдық тәртіпке қауіп төндіреді" деп келтірілгенін сұрады. Ол Досаевтың өзі рұқсат берген 2021 жылғы сәтті өткен маршты да мысалға  келтірді.

Әкім содан бері көп нәрсе өзгергенін айтқан. Сонымен қатар ол митингі өткізуге өтініш түспегенін, тек үндеулер бар екенін атап өтті. Заңға сәйкес, белгіленген тәртіпте жауап берілген.

"Заңды түрде жауап берілді, шешімі айтылған. Шеруді өткізу құқығы қалалықтардың еркінде. Қоғамдық даму департаменті келтірген барлық дәлел бұрынғысынша және өзгеріссіз қалады. Егер басқа форматта өтініштер түсіп жатса, біз оларды қараймыз", - деді Досаев. 

Қала басшысы Халықаралық әйелдер күніне арналған іс-шараларға рұқсат беру немесе тыйым салу әкімдіктің құзыретінде екенін айтты.

Айта кетейік, Алматыда әйелдер құқығы үшін күресіп жүрген белсенділер пикет өткізіп жатыр. Олар шеру өткізуге рұқсат бермей отырған қала билігі назарын өздеріне аударуды көздеп отыр.

Алматыда әйелдердің ең ірі шеруі осыдан үш жыл бұрын өткен. Оған мыңға жуық адам қатысты.