Донбастағы жасақ Дужнов өз қатарларында болғанын жоққа шығарды

«Суть Времени» тәуелсіз құрылымының баспасөз қызметі Игорь Дужновтың Досбаста соғысқа қатысқанын жоққа шығарды.

Бұл туралы Orda.kz хабарлайды.

«Қазақстанның ғаламтор желісінде және БАҚ-та белгілі бір Қазақстан азаматы Игорь Дужнов қызмет өткерген немесе біздің бөлімшемізбен байланысты деген жалған ақпарат жаппай тарала бастады. Осыған байланысты бөлімше құрылған сәттен бастап қазіргі уақытқа дейін «Суть времени» жасағында Қазақстан Республикасының азаматтығы бар адамдар қызмет етпегенін мәлімдеуге мәжбүр. Отряд мүшелерінің ешқайсысы Игорь Дужновты, сондай-ақ Донецктен Дужновтың болжанған фотосуретіне түсірілген адамдарды білмейді» - делінген хабарламада.

Естеріңізге сала кетейік, бүған дейін Игор Дужнов Донбастағы соғысқа қатысыып, сол аймақтағы суреті деп жарияланған болатын.

Естеріңізге сала кетсек, 20 қыркүйек күні кешкі сағат 17:00-де Ақбұлақта атыс болған. Бес адамды бірдей жер жастандырған күдіктінің есімі Игорь Дужнов. Ол 2011 жылы алған несиесін төлей алмай, кепілдікте тұрған үйінен сот шешімімен босатуы тиіс еді. Сонымен қатар оның Бағанашылда кәсіп жүргізген жылжымайтын мүлкі болған. Кейін үй аукцион арқылы басқа адамға сатылған. Оның жаңа иесі Нұрахмет Тұрғанов екені айтылды. Қолына үкімді ұстап келген екі учаскелік полиция мен сот орындаушы және үйдің жаңа иесі мен куә ретінде келген досы сол жерде қаза тапты.