Донбаста 18-55 жас аралығындағы ер адамдарға елден шығуға тыйым салды

Мойындалмаған Луганск және Донецк халық республикаларының территорияларынан 18-55 жас аралығындағы ер адамдардың шығуына тыйым салынды.

Жергілікті бұқаралық ақпарат құралдарының мәліметінше мұндай мәлімдеме Донбастағы екі республиканың да елді-мекендерінде тарап жатыр. Сондай-ақ, ұзынқұлақ мұны Мемлекеттік қауіпсіздік министрлігінің бұйрығы екенін айтуда.

Біршама уақыт бұрын ЛХР мен ДХР аймақтағы жағдайдың ушығуына байланысты азаматтарды Ресей жеріне эвакуациялайтынын жариялаған. Алдымен қарт кісілер, әйелдер мен балалар эвакуацияланады. Көшіру жұмыстары кеше кешке басталған.

Украина ІІМ басшысының кеңесшісі Антон Геращенко бұл әрекеттердің қажетсіз екенін айтты. Оның айтуынша, Киев Донбассқа басып кірмейді және барша әлемге шындықты дәлелдейді.