Дональд Трамп айда атом реакторын салуға бұйрық берді

АҚШ президенті NASA-ға Айға реактор орнатуды тапсырды. Трапмтың сөзінше, бұл астронавтарға ай бетінде ұзақ уақыт экспедиция жасауға және Марсқа ұшуға дайындалуға көмектеседі, деп хабарлайды Orda.kz.

Nasa-ның жаңа басшысы Шон Даффидің Трамптан осындай бұйрық алғаны туралы The Telegraph басылымы редакцияның қарауына түскен құжатқа сілтеме жасап мәлімдеді. Жақында ғана Даффи америкалық ғарыш агенттігінің айды бағындыру жоспарын ресми түрде жариялайды деп жоспарланып жатыр.

Бұған дейін ҚХР мен РФ 2030-шы жылдардың ортасына қарай Айда атом реакторын салу бойынша бірлескен жобаны жариялаған болатын.

«Мұны жасаған бірінші ел қолжетімді аймақ құру туралы жариялай алады. Егер Америка бұл жобаны ертерек жүзеге асырмаса, кейін «Артемида» жоспарын жүзеге асыруға кедергі жасауы мүмкін» деп жазды The Telegraph.

Жер серігіндегі күн панельдері тиімсіз болғандықтан, олар Атом реакторын ғарышкерлер үшін энергия көзі ретінде таңдаған. Айдағы бір түн шамамен 2 апта болады.

«Егер біз Айда өмір сүретін жүйе құратын болсақ, оны энергиямен қамтамасыз етуіміз керек», – деді NASA.

Еске сала кетейік, бұған дейін қазақтың көк туын ғарышқа алғаш көтерген азамат Талғат Мұсабаев Гиннестің рекордтар кітабына қалай енгендігі туралы жазған болатынбыз.