Домбыра, шаңырақ және қызғалдақ Қазақстанның жалпыұлттық символына айналды

Қазақстанның ішкі саясатының негізгі принциптері, құндылықтары мен бағыттары бекітілді. Жарлыққа президент қол қойды. Құжатта елдің ұлттық символдарының тізімі де бар, деп хабарлайды Orda.kz.

Бүгін мемлекет басшысы қол қойған жарлықта Қазақстанның ұлттық рәміздері мен белгілері анықталды. Құжатта елдің ұраны, түстері және тіпті хэштегтері де көрсетілген:

— ұлттық ұран — «Алға, Қазақстан!»;

— ұлттық түстер — аспан түстес көк түс пен алтын түс;

— ұлттық символ болған кітап — Абайдың «Қара сөздері»;

— ұлттық символ — бірліктің белгісі шаңырақ;

— ұлттық музыкалық аспап — домбыра;

— ұлттық өсімдік —қызғалдақ гүлі;

— ұлттық тауар белгісі — Made in Kazakhstan;

— ұлттық хэштегтер — #Qazaqstan, #Kazakhstan.

Ұлттық символдар мемлекеттік органдардың, әкімшілік-аумақтық бірліктердің, білім беру, мәдениет және спорт мекемелерінің, азаматтық қоғам институттарының негізгі белгілеріне айналуы тиіс. Олар салтанатты, қоғамдық-саяси, гуманитарлық және мәдени-бұқаралық шараларды ұйымдастыруда осы ұлттық белгілерді қолданады.