Долларды сату мен сатып алуға қатысты жаңа ереже енгізілді

Ұлттық банк долларды сату мен сатып алуға қатысты жаңа ереже енгізді, деп хабарлайды Orda.kz. 

Ұлттық банк айырбастау пункттерінде шетел валютасын алып-сату бағамдары арасындағы баға айырмасын белгіледі.

Жаңа талап бойынша, енді долларды сату мен сатып алу кезіндегі айырмашылық 7 теңгеден аспау керек. Мысалы доллар 528 теңгеден сатылса, оны сатып алу бағамы 535 теңгеден аспайды.

Ал еурода айырмашылық 10 теңгеден аспауы тиіс. Егер бұл валюта 539 теңгеден сатылса, оны сатып алу бағасы 549 теңгеден аспауы қажет.

Ұлттық банк бұл шараны ең алдымен валюта нарығындағы алыпсатарлық әрекеттерді төмендетіп, теңгені тұрақтандыру үшін жасалды деп түсіндіреді.