Доллар бір күнде 5 теңгеге көтерілді

Қазақстан қор биржасындағы KASE күндізгі саудасының қорытындысы бойынша доллардың орташа сараланған бағамы 4,97 теңгеге көтеріліп, 464,72 теңге болды. 

Айта кетейік, Ұлттық банктің 21 маусымдағы ресми бағамы 1 долларға 459,60 теңге болды.

kurs.kz хабарлағандай, дәл қазір Алматының ақша айырбастау пункттерінде долларды сатып алудың орташа бағамы 462,05 теңге, сатылымы 464,51 теңге болып отыр. Астанадағы ақша айырбастау орындарында америкалық валюта орта есеппен 461,98 теңгеден сатып алынып, 467,06 теңгеден сатылуда.

Еске сала кетейік, 20 маусымда KASE күндізгі саудасының қорытындысы бойынша доллардың орташа сараланған бағамы 0,16 теңгеге төмендеп, 459,60 теңге болды.

Айта кетейік, бұған дейін қазақстандық қаржыгер Расул Рысмамбетов биылғы жылдың басында теңгенің бірнеше ай бойы нығаюы қалыпты құбылыс емес және бюджетті Ұлттық қордан түсетін қаржымен толықтыру қажеттілігінен туындағанын айтқан болатын.