Доллар бағамы 471 теңгеден асты

Доллардың теңгеге шаққандағы өсімі жалғасуда. Бұл туралы Қазақстан қор биржасы (KASE) хабарлайды.

Күнделікті сауда нәтижесінде доллардың орташа сараланған бағамы 1,67 теңгеге көтеріліп, 471,45 теңгеге жетті. Айта кетейік, Ұлттық банктің 19 қыркүйектегі ресми бағамына сәйкес 1 доллар -  469,31 теңге болды.

Қазіргі мәлімет бойынша, Алматының айырбастау пункттерінде долларды сатып алудың орташа бағамы 470,65 теңге, сату – 473,30 теңге. Астанадағы ақша айырбастау орындарында америкалық валюта орта есеппен 468,95 теңгеден сатып алынып, 473,45 теңгеден сатылуда.