Доллар бағамы нығайды: таңғы сессияда құны 423 теңгеден асты

Таңертеңгілік сауда сессиясының қорытындысы бойынша доллар 1,94 теңгеге қымбаттады, деп хабарлады Orda.kz Қазақстан қор биржасының мәліметтеріне сілтеме жасап.

Нұр-Сұлтан уақыты бойынша сағат 11:00-де доллардың орташа алынған бағамы 423,12 теңге болды.

Еске салсақ, американдық валютаның ресми бағамы 20-25 наурыз аралығында 421,29 теңге.

Kurs.kz мәліметінше, қазіргі уақытта алматылық айырбастаушыларда долларды сатудың орташа бағамы - 423,81 теңге, сатып алу - 422,24.

Нұр-Сұлтанның айырбастау пункттерінде американдық валюта орташа есеппен 423,67-ге сатылады, ал 422,45 теңгеден сатып алынады.