Дизель отынының бағасын төмендету міндеттелді

Қазақстандық жанармай құю станциялары дизель отынының бағасын төмендетуге міндетті.

Қазақстандағы бірнеше жанармай бекеттері бағаны келісіп алғандығын анықтағаннан кейін барлығына бағаны төмендету міндеті қойылды.

Бұл туралы Orda.kz.   ҚР бәсекелестікті қорғау және дамыту агенттігіне сілтеме жасап хабарлайды.

Сараптау нәтижелері бойынша Бәсекелестікті қорғау және дамыту агенттігі дизель отынының қымбаттауы алыпсатарлық екенін анықтады.

– Осыған байланысты 19 жанармай құю бекетіне дизельдік отынның бағасын төмендету арқылы сөз байласу белгілерін жою қажеттілігі туралы хабарламалар жіберілді. Хабарламаны орындау мерзімі оны алған күннен бастап 30 күнтізбелік күнді құрайды. Хабарламаны орындамау монополияға қарсы тергеу үшін негіз болады,  - деп хабарлады Монополияға қарсы ведомство.

Қазіргі уақытта нарық субъектілерінің көпшілігі хабарламаларды мерзімінен бұрын орындады және бағаларды төмендетуге дайын екендіктерін білдірді.

Нұр-Сұлтан, Алматы, Шымкент, Қызылорда, Жамбыл, Түркістан, Алматы облыстарында әр литр үшін 2-ден 5 теңгеге дейін төмендету болады. Сонымен қатар Qazaq Oil, Gas Energy  оңтүстікте ғана емес, елдің бірқатар басқа аймақтарында да бағаның төмендегенін хабарлады.

Sinooil, Гелиос үшін соңғы мерзім берілді.

Ал монополияға қарсы департамент 1 шілдеден бастап дизель отынына акциз салығы тоннасына 540 теңгеден 9 мың 300 теңгеге дейін өскенін және бұл жағдайдың болашақта бағаға әсер етуі мүмкін екенін атап өтті.

– Жанар-жағармай бағасының келісілмеуі мен бағаның негізсіз өсуіне жол бермеу мәселесі үнемі бақылауда, - ҚР бәсекелестікті қорғау және дамыту агенттігі.

Естеріңізге салсақ, елдің оңтүстігінде дизель отынының қымбаттауы үстіміздегі жылдың мамыр айынан бастап байқалды. Дегенмен қазақстандық жанармай бекеттері бағаны келісіп алды деген күдік  жуырда ғана туындады.