Disney, Sony және Warner Bros компаниялары Ресейге фильм таратуды тоқтатты

Украинадағы соғыс жаңдайына байланысты Disney, Sony және Warner Bros компаниялары  Ресейге жаңа фильмдерін жалға беруден бас тартты, деп хабарлайды BBC.

Дистрибьюторлар жаңа комикстердің шығарылымын тоқтатты.

«Украинадағы гуманитарлық дағдарысқа байланысты WarnerMedia Ресейдегі «Бэтмен» көркем фильмі шығарылымын  тоқтатады. Біз жағдайдың өрбуін бақылауды жалғастырамыз. Бұл қасіреттің тез әрі бейбіт жолмен шешілуін асыға күтеміз»  деді Warner Bros.

Sony компаниясы Джаред Лето ойнайтын «Морбиус» фильмі  шығарылымын  тоқтатты.

«Біздің бар ойымыз бен дұғамыз зардап шеккендерде  және бұл дағдарыс тез шешіледі деп үміттенеміз»  делінген Sony мәлімдемесінде.

Дисней «Мен ұялдым» мультфильмінің ресейлік прокатынан бас тартты. Оның премьерасы 10 наурызда өтуі керек еді. Бұл шешімге Украинадағы оқиғалар да әсер етті.

Бұған дейін Netflix стримингтік қызметі Ресейдің 20 федералды телеарнасын көрсетуден бас тартқан болатын.

2021 жылдың желтоқсанында Роскомнадзор Netflix-ті аудиовизуалды қызметтер тізіліміне қосты, өйткені Ресейдегі қызмет аудиториясы күніне 100 000 жазылушыдан асты. 1 наурыздан бастап Netflix  «Бірінші арна», «НТВ», «Vitrina TV» сияқты  20 шақты  телеарнаға  тегін таратуы керек еді.