Дипломатиялық қызмет мәселелері мен халықаралық шарттар туралы заң бекітілді

Қасым-Жомарт Тоқаев 10 қаңтарда «Қазақстан Республикасының кейбір заңнамалық актілеріне дипломатиялық қызмет, халықаралық шарттар және дамуға ресми көмек мәселелері бойынша өзгерістер мен толықтырулар енгізу туралы» заңға қол қойды, деп хабарлайды Orda.kz.

Депутаттар ұсынған түзетулер үкіметке дипломатиялық қызметке бекітілген және елден тыс жерде орналасқан мемлекеттік мүлікті иеліктен шығару тәртібін бекіту құзыретін береді.

Заңға сәйкес, бұрын халықаралық ұйымдарда қызмет атқарған адамдар енді дипломатиялық қызмет ардагерлері болып есептелетін болады. Бұл осындай құрылымдарда еңбек жолын аяқтаған қызметкерлердің еңбек және әлеуметтік құқықтарын қорғауға мүмкіндік береді.