Діндар ата-ана қан құюдан бас тартқан бала қайтыс болды

Ақмола облысында елең еткізген баланың өлімі тергелуде. Оның ата-анасы дәрігерлерге қан құюға тыйым салған, бірақ бұл арқылы нәрестені құтқару мүмкін еді.

Оған себеп діни көзқарас. Салдарынан олар небәрі бір жас сегіз айлық балаға көмектесе алмаған.

Белгілі болғандай, отбасы Щучье қаласында тұрған. Ата-анасының екеуі де 43 жаста және бұл олардың тұңғыш баласы. Олар өз қалалары дәрігерлеріне бірнеше рет жүгінген. Алайда баланың жағдайы жақсармаған. Салдарынан ол екі жақты ауыр пневмониямен, ішкі ағзалары бұзылып, ми ісініп, санитарлық авиациямен Көкшетау қаласындағы облыстық балалар ауруханасына жеткізілді.

Дәл осы жерде дәрігерлер мен ата-аналардың пікірі сәйкес келмейді. Дәрігерлердің айтуынша, отбасы дәрігерлерге көмектесіп, барлық талаптарды орындағанымен, қан компоненттерін құюдан үзілді-кесілді бас тартқан. Дәрігерлер де, қамқоршылық органдар да анасы мен әкесін сендіре алмады.

«Алғашында өте қиын болды, бірақ, әрине, қашан да мүмкіндік бар және оны пайдалану қажет болды.Бірақ, ата-анасы діни себеп ретінде Иегованың діни нанымдарын ұстанамыз деп мәлімдеді. Біреудің қанын құйғызу олардың сенімі бойынша мүлдем қабылданбайды екен»,-  дейді Ақмола облыстық балалар ауруханасы жансақтау бөлімінің басшысы Маржан Махашева.