Димаштың ринг жанында тілек тілеген видеосы көпшілікті тәнті етті

Әнші Димаш Құдайбергеннің Геннадий Головкин мен Сауль Альварестің жекпе-жегі алдында тілек тілеген бейнежазбасы таралды.

Бейнежазбадан Димаш Құдайбергеннің бет сипағанын байқауға болады. Бұл бейнежазба әлеуметтік желіде лезде таралып, желі қолданушыларының қолдауына ие болды.

Қазнетте Димаш Құдайбергеннің бұл әрекеті туралы түрлі пікірлерді оқуға болады.

– «Тілегің қабыл болсын», «Құдай тіл-көзден сақтасын», «Қазақтың иманды жігіттері аман болсын», – деп жазды Қазнет оқырмандары.

Бүгін Лас-Вегастағы T-Mobile аренасында бокс кеші өтті. Жылдың басты жекпе-жегінде Геннадий Головкин мен Сауль Альварес кездесті.

Орта салмақтағы абсолютті әлем чемпионы атағы сарапқа салынған жекпе-жекте төрешілердің бірауыз шешімімен Геннадий Головкин Сауль Альварестен жеңілді.