Димаш Құдайбергенге арнап Германия әуежайында күй шертілді

Димаш Құдайберген Лондонда өткен концертінен кейін Германияның Берлин қаласына келгенде, бір жанкүйері әуежайда күй шертіп қарсы алды, деп хабарлайды Orda.kz.

Чилиден келген жанкүйері Димашқа дәл әуежайда «Ерке сылқым» күйін орындап берді. Димаш Германияға әкесі Қанат Айтбаевпен бірге келген еді. Кейін әкесі сол чилилік қызбен бірге әуежайда осы күйді қосылып орындады.

Димаштың концерті Берлиндегі ең ірі спорт ареналарының бірі — Max-Schmeling-Halle кешенінде өтеді. Бұл ғимарат Joppien Dietz Architekten сәулет бюросының жобасымен 1993–1997 жылдары салынған. Нысан 2000 жылғы Олимпиада ойындарын Берлинде өткізу жөніндегі өтінімге байланысты бой көтерген.