Димаш Құдайберген жаңа бейнебаян арқылы қазақ жерін әлемге танытпақ

Белгілі қазақ әншісі Димаш Құдайберген жаңа бейнебаян түсіруге кірісті.

Бұл туралы «Kazakh Tourism» хабарлады.

Оның жаңа клипі Қазақстанның табиғаты көркем жерлерін әлемге танытқалы отыр. Туризм министрлігі мен Kazakh Tourism ұлттық компаниясының қолдауымен жүзеге асатын жоба Шарын шатқалы, Көлсай көлдері, «Әзірет-Сұлтан» табиғи мұражайы, Бозжыра өңірі және басқа да көрікті жерлерде түсіріліп жатыр.

Сондай-ақ, «Бурабай», «Алтын-Емел», «Қатонқарағай» ұлттық саябақтары да көрсетілуі мүмкін. Туризм және спорт вице-министрі Ержан Еркінбаев бұл жоба Қазақстанның мәдени және табиғи байлықтарына туристердің қызығушылығын арттыруға үлкен мүмкіндік беретінін атап өтті.