Димаш Құдайберген судан зардап шеккендермен кездесті

Әнші Димаш Құдайберген Ақтөбе қаласының тұрғындарымен кездесті, деп хабарлайды Orda.kz порталы.

Ол № 40 мектепте уақытша тұрып жатқан тұрғындармен жолықты және ол қайырымдылыққа ақша аударды.

«Бала кезден бастап тілеуімді тілеп, биікке қанат қағып, қалықтап жүрсін деген тілек тілеп жүрген жерлестерімнің қал-жағдайын білмей кете алмадым. Жаңалықтардан мемлекет тарапынан ауқымды көмек беріліп жатыр дегенді оқып жатырмын. Ең бастысы, еліміз аман болсын, жұртымыз тыныш болсын», - деді әнші. 

Димаш Құдайберген күн-түн демей, су тасқынында халыққа қол ұшын созып жүрген еріктілермен кездесіп, алғыс айтты.