Димаш Құдайберген екі дүркін «Грэмми» сыйлығының жеңімпазымен жазылған жаңа әнін ұсынбақ

Димаш Құдайберген екі дүркін «Грэмми» сыйлығын жеңіп алған продюсерімен бірлесіп жазылған жаңа әнін ұсынады, деп хабарлайды Orda.kz.

7 наурызда Димаш Құдайбергеннің Уолтер Афанасьевпен бірлесіп жазған «Love’s not over yet» атты жаңа әні шығады. 

Композиция барлық музыкалық платформаларда қолжетімді болады, ал бейнеклип – әншінің YouTube-арнасында жарияланады.

Афанасьев әлемдік жұлдыздармен, соның ішінде Селин Дион, Уитни Хьюстон және Лара Фабианмен жасаған жұмыстары арқылы танымал. Сонымен қатар  «Аладдин» мен  «Телохранитель» фильмдерінің музыкасын жазған.

Димаш Құдайберген үшін бұл әйгілі продюсермен алғашқы жобасы. Ән үстінде Афанасьевтің жетекшілігімен халықаралық авторлар тобы жұмыс істеді.