Димаш Құдайберген АҚШ-қа көшуді жоспарлап отыр

Қазақ әншісі Димаш Құдайберген мансабын көтеру үшін АҚШ-қа уақытша көшуді жоспарлап отыр. Бұл туралы әнші американдық MTV жүргізушісі Кеван Кенниге берген сұхбатында айтты.

«Мен Америкада біраз уақыт өткізуді жоспарлап отырмын, өйткені музыкамды насихаттау үшін шоу-бизнестің эпицентрінде болу керек. Менде де осындай тәжірибе болды, мен Қытайда өз музыкамды насихаттаумен үш жарым жыл болдым», - деді Димаш Құдайберген.

Әртіс сұхбаттың видеосын Instagram парақшасында жариялады. Димаш Құдайбергеннің жанкүйерлері оның АҚШ-та шығармашылығын насихаттау идеясын қолдады.