Әділет министрлігі басшысылығына Асқар Үмбетәлиев тағайындалды

Әділет министрінің бұйрығымен Асқар Ерболатұлы Үмбеталиев Әділет министрлігі аппаратының басшысы болып тағайындалды. Бұл туралы премьер-министрдің баспасөз қызметі хабарлады.

Асқар Үмбетәлиев 1980 жылы Қызылорда облысында дүниеге келген. Қазақ мемлекеттік заң университетінде, Алматы экономика университетінде, Лондон экономика және саяси ілім мектебінде оқыған. Мамандығы бойынша – құқықтанушы, қаржы бакалавры.

Еңбек өтілімі:

• 1997 жылы «КазЮжBодСтрой» АҚ-да 4-разрядты – монтаждаушы.
• 2003-2007 жылдары қаржы полициясы органында қызмет етті (Экономикалық және сыбайлас жемқорлық қылмыстарына қарсы күрес департаменті).
• 2007 - 2009 жылдар аралығында Қаржы министрлігі Салық комитетінің акциздерді әкімшілендіру басқармасында жұмыс істеді.
• 2009- 2016 жылдар аралығында Әділет министрлігінің Сот сараптамасы орталығында басшылық лауазымдар атқарды.  
• 2016 жылғы шілде-желтоқсан аралығында «СҚ-Фармация» ЖШС Құқықтық қамтамасыз ету бөлімінің бастығы болып жұмыс істеді.
• 2016 - 2020 жылдар аралығында Әділет министрлігінің Сараптама қызметін ұйымдастыру департаментінде түрлі лауазымдарда істеді.
• 2020 жылдың шілдесінен желтоқсаны аралығында – Әділет министрлігінің Сот сараптамалары орталығының директоры.
• 2020 жылғы желтоқсаннан қазіргі уақытқа дейін Әділет министрлігінің Ішкі әкімшілендіру департаментінің директоры қызметін атқарды.