Әділет министрі: Еліміздің алимент төлеу қоры 38 млн теңге жинады

ОКҚ-да өткен баспасөз мәслихатында Әділет министрі Марат Бекетаев:

«Қазіргі таңда Алимент қорына жиналған жалпы сома – 38 миллион теңге. Алайда бұл соманың қалай жұмсалатынын білмеймін. Себебі Әділет министрлігі осы процеске қатыспайды. Бұл бюджеттің қаражаты емес, сот орындаушылардың қоры. Жиналған қаражат қалай жұмсалатынын солардан сұрау керек», - деді.

Оның айтуынша, қазір алимент төлеуден бас тартқандарға ықпал ету талаптары жоқ. Осыған дейін, министрлік төлем жасаудан бас тартушы 2,5 мың адамды жұмыспен қамтыған. Сонымен қатар, алимент төлемеген азаматтармен жұмыс жүргізу үшін құқық қорғау органдарымен және барлық әкімдікпен меморандумға қол қойылған.

Былтыр Марат Бекетаев алимент төлеушілерге арналған көмек қорын құру мәселесін көтерген.