Әділбек Жақсыбеков пен Қайрат Шәріпбаев QazaqGaz директорлар кеңесінен шықты

Әділбек Жақсыбеков QazaqGaz директорлар кеңесінің төрағасы қызметінен кетті. Директорлар кеңесінің құрамына енді Ернат Бердіғұлов, Юрий Казутин, Айрат Нұрғазиев және Серік Жаманбалин кіреді.

Ұлттық компанияның баспасөз қызметі хабарлағандай, «QazaqGaz» АҚ директорлар кеңесінің құрамы өзгерді.

«Самұрық-Қазына» АҚ басқармасының 18 ақпандағы шешіміне сәйкес «QazaqGaz» ҰК» АҚ директорлар кеңесінің құрамы өзгертілді. Бұл шешім Әділбек Жақсыбеков, Қайрат Шәріпбаев және Мәлік Сәулебайдың өкілеттіктерін мерзімінен бұрын тоқтатты.

Әділбек Жақсыбеков директорлар кеңесінің төрағасы, Қайрат Шәріпбаев басқарма төрағасы және Мәлік Сәулебай құқықтық қамтамасыз ету жөніндегі басқарушы директор қызметін атқарды.

«Самұрық-Қазына» ҰӘҚ» АҚ-ның мүдделерінің өкілдері ретінде АҚ Директорлар кеңесінің мүшелері болып Ернат Бердіғұлов пен Николай Казутин сайланды.

«Ернат Бердіғұлов «QazaqGaz» ҰК» АҚ директорлар кеңесінің төрағасы болып сайланды» делінген компанияның хабарламасында.

Енді директорлар кеңесіне Ернат Бердіғұлов, Юрий Казутин, Айрат Нұрғазиев және Серік Жаманбалин кіреді.

«ҚазТрансГаз» ұлттық компаниясының атауы 2021 жылдың соңында QazaqGaz болып өзгертілді.

Еске салсақ, мәжіліс депутаты Дариға Назарбаеваның күйеуі Қайрат Шәріпбаев қаңтар айының басындағы қайғылы оқиғадан кейін QazaqGaz басқарма төрағасы қызметінен кеткен болатын.

Жақсыбеков QazaqGaz директорлар кеңесін 2020 жылдың қарашасынан бастап басқарды.