Әділбек Жақсыбеков ҚФФ президенті лауазымынан отставкаға кетеді – Еділов

Қазақстан футбол федерациясының (ҚФФ) президенті Әділбек Жақсыбеков алдағы 28 ақпанда өтетін Қазақстан футболының басшысы сайлауына өз кандидатурасын ұсынбайды.

Бұл туралы саясаттанушы Ербол Еділов өзінің Telegram-арнасында хабарлады.

«Қарағандылық «Шахтер» ФК директорлар кеңесінің төрағасы Әділет Бәрменқұлов, «Астана» ФК-ның экс-бас директоры Давид Лория, ФК SD Family клубының иесі Дидар Сыдықбек және ПФЛК президенті Олжас Абраев өз кандидатуралары ұсынғаны туралы белгілі болды» делінген хабарламада.

• 1977-1978 жылдары — ҚазКСР Мемлкеттік басқармасының аға есепші-ревизоры.
• 1978-1983 жылдары — Целиноград облыстық кинопрокат директорының орынбасары, бас инженер.
• 1983 жылдан 1990 жылға дейін контейнер жөндеу және ағаш базасының директоры, Целинторг бөлімінің бастығы, Целинглавснаб сауда орталығының бастығының орынбасары болды.
• 1990-1992 жылдары — «Цесна» коммерциялық компаниясының бас директоры.
• 1992-1996 жылдары — «Цесна» корпорациясының президенті.
• 1996-1997 жылдары — Ақмола облысы әкімінің бірінші орынбасары.
• 1997-2000 жылдары — Астана қаласы АЭА әкімшілік кеңесінің төрағасы.
• 1997-2003 жылдары — Астана қаласының әкімі.
• 2003-2004 жылдары — Қазақстан Республикасының индустрия және сауда министрі.
• 2004-2008 жылдары — Қазақстан Республикасы президенті әкімшілігінің басшысы.
• 2008 жылы — Қазақстан Республикасы президентінің кеңесшісі.
• 2008-2009 жылдары — Қазақстан Республикасының Ресей Федерациясындағы төтенше және өкілетті елшісі.
• 2009-2014 жылдары — Қазақстан Республикасының қорғаныс министрі.
• 2014 жылы — Қазақстан Республикасының мемлекеттік хатшысы, Қазақстан Республикасы Қауіпсіздік Кеңесі хатшысының міндетін атқарушы.
• 2014-2015 жылдары — «Нұр Отан» партиясы Астана қалалық филиалының төрағасы.
• 2015 жылы — «Астана ЭКСПО-2017» Ұлттық компаниясы» акционерлік қоғамының басқарма төрағасы; ТМД астаналары мен ірі қалаларының халықаралық ассамблеясының вице-президенті.
• 2014-2016 жылдары — Астана қаласының әкімі.
• 2016-2018 жылдары — Қазақстан Республикасы президенті әкімшілігінің басшысы.
• 2018 жылдан бері Қазақстан футбол федерациясының президенті қызметін атқарды.