«Дикий Арманның» анасы ұлының атынан кешірім сұрады
«Дикий Арман» лақап атымен танымал Арман Жұмагелдиевтің анасы Роза Жұмагелдиева қырғыз халқынан кешірім сұрап, бейнеүндеу жазды.
Видео қырғызстантық Kaktus Media Telegram-арнасында жарияланды.
Ол ұлының қырғыз халқын қатты жақсы көретінін айтып, Арманның жақсы жақтарын атап өтті Сондай-ақ ол Айкөл Аликжанованың келіні екенін, тұңғыш немересін сыйлағанын айтты.
– Мен, Жұмагелдиева Роза Хамзақызы, 70 жастағы зейнеткермін. Арман Жұмагелдиевтің анасымын. Сіздер оны «Дикий Арман» деп танисыздар ғой. Үлкен басыммен иіліп, қырғыз халқынан кешірім сұраймын. Ол бір жерде дұрыс сөйлемеген шығар, дұрыс істемеген шығар. Салдарынан екі ел арасында ұлттық араздық болып кетті. Соған жүрегім ауырады. Бірақ оның ондай жаман ойы жоқ еді. Шын мәнінде, ол қырғыз елін өте жақсы көреді.
«Керемет жауынгер, патриот халық» деп әрқашан да мақтан тұтады. Алланың бұйрығы шығар, сол қырғыздың қызына үйленіп, құда-құдағи болып отырмыз. Келінім Айкөл Аликжанова маған тұңғыш немеремді сыйлады. Біз бақытты өмір сүріп жатыр едік. Пайғамбардың өзі күйеу баласын сыйлаған. Сондықтан бір-бірімізге кешірімді болайық, – деді Жұмагелдиевтің анасы.
Еске салсақ, Жұмагелдиевтің ұсталғаны 7 қаңтарда белгілі болды. Ол бес адамнан тұратын қылмыстық тобымен Алматыдағы арнайы операция барысында ұсталды. Ұстау кезінде күдіктілерден әртүрлі маркалы және калибрлі төрт автомат, оқ-дәрі, суық қару және брондалған көлік тәркіленді.
«Алдын ала мәлімет бойынша, ол өткен жылдың желтоқсан айында шетелден келген және 5-6 қаңтардағы белгілі оқиға кезінде Алматыда болған. Оның келу мақсаты мен қару-жарақтың бар-жоғын жедел-тергеу тобы тексеретін болады» деді Ішкі істер министрлігі.
Арнайы прокурорлар қызметі басшысының айтуынша, бүгінде Арман Жұмагелдиевтің қылмыстық тобының 18 мүшесі ұсталды, 21 адамның адам өлтіру, ұрлық және тонау бойынша соттылығы бар.
– Олардың арасында «Жабайы Арман» деп аталатын Жұмагелдиев пен оның тобының мүшелері бар. Мен бұл айыпталушыға жеке тоқталамын.
Оның қарулы серіктестері кездейсоқ өтіп бара жатқан адамдар арасынан 24 бейбіт тұрғынды ұрлап, күштеп ұстаған. Оларды алдымен бір жерден екінші жерге апарып, ұрып-соғып, нәтижесінде бір адам қаза тапты. Сонымен қатар, қарақшылар бұған дейін 12-ші қалалық ауруханада қатты соққыға жығылған полицейдің қызметтік қаруын алып кеткен, – деді арнайы прокурорлар қызметінің басшысы Ризабек Ожаров Орталық коммуникациялар қызметінде өткен баспасөз мәслихатында.
Жаңалықтар
- Оның тамағын кеңсе пышағымен кесіп тастады: сот үкім шығарды
- Павлодар облысында педофил ұзақ мерзімге бас бостандығынан айырылды
- Феминистер Қуандық Бишімбаевтың үкіміне наразылық білдірді
- Сот Жәмила Маричеваны кінәлі деп танып, айыппұл салды
- Салтанат Нүкенованың ағасы сот үкіміне қанағаттанатынын айтты
- Бақытжан Байжанов 4 жыл бас бостандығынан айыру туралы шешімге разы емес
- Қуандық Бишімбаев 24 жылға сотталды
- Алматы тұрғыны өзге біреудің көлігін өртеп жіберіп, оны видеоға түсіріп алған
- Мемлекет басшысы Мәдениет және ақпарат министрі Аида Балаеваны қабылдады
- Атыраудағы су тасқынының шарықтау шегіне 4-5 күн қалды
- Қуандық Бишімбаев пен Бақытжан Байжановқа қатысты сот үкімі сағат 17:00-де шығады
- Шымбұлақ аспалы жолдарды жабады
- Қазақстан тағы да Ресейден үлкен арақ импорттаушы елге айналды
- Итті басып өткен депутат айыппұлмен құтылады
- «Семей орманындағы» өрт: қорық басшылығына үкім шығарылды
- Өзбекстан биыл Қазақстанға егістіктерді суару үшін 922 миллион текше метр су беруге уәде берді
- Бишімбаевқа жазасын жеңілдетуге мүмкіндік берілді
- Петропавлдың су басқан ауданынан бір ай бұрын жоғалып кеткен ер адамның денесі табылды
- Қазақстанда жаңа халықаралық рейс пайда болады
- Қызылордада екі бала балконнан құлап кетті